Ново засилување за Струга – пристигна фудбалер од француски третолигаш (Видео)

Фудбалскиот клуб Струга Трим Љум продолжува со засилувањата во пресрет на новата сезона, а најновото име во нивните редови е Ласана Диако – централен дефанзивец кој доаѓа од Франција. Станува збор за 26-годишен стопер со потекло од Мали, кој поседува и француски пасош.

Диако пристигнува од редовите на Париз 13 Атлетик, клуб кој се натпреварува во третата фудбалска лига на Франција. Со своето интернационално искуство и физичка подготвеност, се очекува да донесе стабилност и цврстина во одбранбената линија на стружани.

Во текот на својата кариера, овој фудбалер има настапувано за неколку француски клубови, меѓу кои се Кретеил, Шамбле, Луситанос, Клермон Б, Шатилон и Вилеџуф. Со тоа зад себе има солидно искуство од пониските, но конкурентни лиги во Франција, каде што стекнал важни фудбалски вештини и натпреварувачка зрелост.

Фото: Струга ФК