Германскиот голман на Барселона, Марк-Андре тер Штеген, објави емотивно писмо до навивачите на каталонскиот клуб на своите социјални мрежи. Како што е познато, 33-годишниот голман и капитен на тимот моментално е во немилост, бидејќи клубот бара начин да се раздели со него.
Во своето обраќање, Тер Штеген објавува дека ќе се подложи на операција поради болките во грбот и дека засега нема да ја напушти Барселона. Ова значи дека Германецот ќе биде надвор од игра, а самиот укажува колку точно ќе отсуствува – околу 3 месеци.
ChatGPT ми беше гостин во поткаст – и не зажалив! ↓↓↓
“Драги Кулери,
Ги носам боите и дресот на Барселона со голема гордост, без разлика дали на теренот или надвор од него, во моменти на успех и во тешки моменти. Денешниот ден е тежок на личен план за мене.
Во физичка и спортска смисла се чувствувам во одлична форма, иако за жал не сум ослободен од болки. По интензивни дискусии со медицинскиот тим на Барселона и надворешни експерти, најбрзиот и најбезбедниот начин за моето целосно опоравување е операција на грбот.
По последната операција на грбот се вратив на теренот по 66 дена – речиси два месеца; овој пат лекарите сметаат дека ќе бидат потребни околу три месеци како превентивна мерка за да се избегнат какви било ризици.
Емотивно, многу ме боли што нема да можам да го поддржувам тимот за време на овој период. Среќа, рехабилитацијата е совладлива и патот за враќање е јасен.
Ќе ве информирам со моето опоравување и искрено сакам да ви се заблагодарам на сите вам, драги Кулери, што секогаш сте биле до мене.
Не грижете се – ќе се вратам!
Ваш,
Марк”.
Учество во игри на среќа е дозволено за лица со 18+ години. Играј одговорно!