Едвај преживеа во тешка соображајна несрежа. Сега открива: “Не се сеќавам на ништо”

АНТОНИО (35), легендарниот напаѓач на Вест Хем и репрезентативец на Јамајка, ја отвори душата за страшната сообраќајна несреќа на крајот на 2024 година. Во шокантната исповед што ја сподели во подкастот на Адебае Акинфенва, тој призна дека не се сеќава на ништо, од самиот судир до оперативниот зафат, и призна дека оваа несреќа го променила засекогаш.

Антонио детално објасни како, иако бил во несреќата, всушност не ја доживеал, бидејќи не се сеќава на ништо. “Не се сеќавам на судирот, престојот во болницата, операцијата, ниту будењето потоа”, рече 35-годишниот напаѓач и додаде дека неговото тело ја памети траумата, иако умот му ги избришал сите спомени од тие тешки моменти.

Се удри со Ферари во дрво

Несреќата се случила кога Антонио изгубил контрола врз своето Ферари и се удрил во дрво. Поради тежината на повредите, итно бил префрлен со хеликоптер во болница, каде што лекарите му го спасиле животот. Поминал 22 дена во болница, и подоцна му било речено дека имал извонредна среќа што преживеал.

Сведоштвото на човекот кој прв му помогнал, исто така сведочи за драматичноста на ситуацијата, бидејќи Антонио бил целосно дезориентиран и збунето повторно го поставувал прашањата: “Каде сум? Што се случува? Во кој автомобил сум?”.

Во текот на операцијата, во ногата му бил вграден метален шип и пред него претстојувале месеци рехабилитација. И покрај тешките моменти, Антонио верува дека несреќата била и благослов, бидејќи му разјаснила многу работи и го направила поодлучен. “Фудбалот е важен, но здравјето е поважно”, заклучи Антонио.

Се врати на теренот пред еден месец. Влезе како замена на натпреварот на Јамајка против Гватемала пет минути пред крајот, наместо Џонатан Расел, и беше пречекан со голем аплауз од публиката. Тоа беше неговиот прв натпревар по несреќата.