Петровиќ стана најскап српски голман во историјата

Српскиот голман Ѓорѓе Петровиќ ја продолжува својата кариера во Премиер лигата, откако официјално потпиша договор со Борнмут.

Англискиот клуб за неговите услуги на Челси му исплати 29 милиони евра, со што Петровиќ стана најскапо платениот српски голман во историјата на фудбалот.

„Одлучив да дојдам во Борнмут бидејќи сакам постојано да напредувам и да се натпреварувам на највисоко ниво. Верувам дека овој клуб има потенцијал за добри резултати и сакам да бидам дел од таа приказна. Ќе дадам сè од себе за да придонесам и секојдневно да се усовршувам“, изјави Петровиќ при промоцијата.

Фото: Принтскрин