Јунајтед ја одреди цената за Рашфорд

Во Манчестер Јунајтед ја одредија цената на Маркус Рашфорд. Според шпанскиот весник AS „црвените ѓаволи“ бараат 48 милиони евра за напаѓачот.

Иако играчот не е во плановите на менаџерот Рубен Аморим, од „Олд Трафорд“ не се подготвени да се разделат со него за помала сума, додека моменталната цена според Transfermarkt изнесува 50 милиони евра.

Во Барселона пак, се сè повеќе наклонети кон опцијата да го купат Рашфорд, откако се откажаа од Нико Вилијамс, а преговорите со Ливерпул за Луис Дијас заглавија.

Англичанецот, од своја страна, е спремен да игра за шпанските шампиони и веќе ги извести други заинтересирани клубови дека преферира да почека понуда од Барселона.