Раководството на Реал Мадрид му изрази целосна доверба на тренерот на тимот Чаби Алонсо и тој добил одобрение да работи во целосен мир и да ракува со составот на начин кој тој го смета за исправен, информира весникот „Марка“.
Ова значи дека поранешниот плејмејкер на практика добива целосна слобода да поставува меѓу резервите секоја од високоплатените ѕвезди на тимот.
Данска vs. Македонија: Како тие се справуваат со отпадот, додека ние се расправаме кој е крив?
Алонсо одржа нов состанок со директорите на мадридскиот гигант веднаш по испаѓањето од натпреварувањето во САД, на кој му било потврдено дека има целосна поддршка и може да ги донесува своите одлуки сосема слободно и самостојно. Од друга страна, пак, претставниците на Реал се обиделе да го пренесат истото мислење и на фудбалерите – егото на ѕвездите во тимот нема да се толерира, со цел да се постигнат заедничките успеху и достигнување на високите цели.
Од „лос бланкос“ заминаа со големи амбиции на Светското клупско првенство, но претставувањето на тимот беше спорно под водство на новиот тренер, а како посебен неуспех се смета тешкиот пораз на полуфиналето, каде што беа поразени од ПСЖ со 4:0. На „Сантиаго Бернабеу“ сметаат дека има уште многу работа при оформувањето на составот, и се очекуваат во блиските денови да привлечат лев бек на Бенфика, Алваро Карерас.
Реал веќе ги привлече Дин Хаусен и Трент Александер-Арнолд во одбранбената зона на тимот, но се смета дека е многу веројатно да се направи обид да се привлече уште еден плејмејкер.
Учество во игри на среќа е дозволено за лица со 18+ години. Играј одговорно!