Араухо го запре автомобилот пред навивачите и новинарите, па им откри дали останува во Барселона

Барселона наскоро ќе ги започне подготовките за новата сезона, а некои од фудбалерите веќе одлучија да ги скратат своите одмори за да бидат во што подобра форма на почетокот на подготовките.

Најпрв тоа го направи новиот голман Хоан Гарсија, кој вчера се појави во тренинг-центарот на каталонскиот клуб, а денес тоа го стори и дефанзивецот Роналд Араухо.

Араухо е решен да биде во што подобра форма на почетокот на подготовките, бидејќи е свесен дека треба да се докаже пред Ханси Флик во жестоката конкуренција што постои во дефанзивата на Барселона.

Дополнителен проблем за Уругваецот е што се шпекулира дека Барса дури планира да го продаде ова лето со цел да ослободи простор за доведување на нови засилувања.

Араухо претходно не ги прекинуваше своите одмори поради подготовки, но очигледно дека сега и самиот разбрал дека неговиот статус во тимот е загрозен и ќе мора да ги искористи подготовките најдобро што може за да докаже дека заслужува место во Барселона.

Уругваецот денес направи интересен потег кога застана пред новинарите и навивачите на влезот во тренинг-центарот и даде одговор на прашањето што ги интересира сите.

“Дали ќе останеш во Барселона?”, го прашаа новинарите Араухо, а уругвајскиот играч немаше проблем да им одговори.

“Што се однесува до мене, да, останувам”.

🎥 IMAGEN SPORT

‼️ Ronald Araújo a la salida de la Ciutat Esportiva

❓ “¿Вas a seguir en el Barça?

🗣️ Ronald: “Por mi sí”

📹 @monfortcarlos pic.twitter.com/keASv8gf6d

— Diario SPORT (@sport) July 9, 2025