Oбјавините првите резултати од истрагата за смртта на Жота, се укажува на една причина

Шпанската цивилна гарда објави дека истрагата за несреќата во која загинаа напаѓачот на Ливерпул Диого Жота и неговиот брат Андре Силва укажа дека причинител е “прекумерната брзина”.

Во тековната истрага се анализираа траговите од возилото со кое Жота управувал, и се сугерира дека неконтролираната брзина била клучниот фактор.

“Сите досега направени тестови посочуваат дека возачот на запаленото возило бил Диого Жота, кој патувал со својот помлад брат Андре”, додаде Цивилната гарда.

Да потсетиме, двајцата португалски фудбалери загинаа во ноќта помеѓу 25 и 26 јуни при несреќа на автопатот во северозападниот дел на Шпанија, кога возилото излетало од патот и се запалило.

Диого Жота, кој се оженил со својата долгодишна партнерка и мајка на неговите три деца околу десет дена пред трагедијата, требал да отпатува за Ливерпул со траект од Сантандер на северот на Шпанија кога настанала несреќата.

Според медиумските извештаи, му било советувано да не лета поради неодамнешна операција на белите дробови, а погребот на двајцата браќа се одржа во саботата во Гондомар, близу Порто.

🚨 Несреќата која довела до смртта на Диого Жота и неговиот брат Андре Силва според првичните заклучоци на шпанската цивилна гарда е предизвикана од “големо пречекорување на брзината”.https://t.co/pKtqujOJ7p pic.twitter.com/ikit4bWd98

— RMC Sport (@RMCsport) July 8, 2025