Македонскиот фудбалски интернационалец Марио Илиевски ја заврши својата епизода во бугарскиот ЦСКА и кариерата ќе ја продолжи во косовската елита, носејќи го дресот на екипата на Приштина.
Зошто проблемот со улични кучиња СÈ УШТЕ постои? | Уште еден поткаст
Фудбалскиот клуб Приштина официјално потврди дека 23-годишниот напаѓач е нивно ново засилување, посочувајќи дека се работи за играч кој треба значително да придонесе кон исполнување на амбициозните цели на тимот. И покрај тоа што трансферот е комплетиран, од клубот не откриваат детали за должината на договорот или финансиските услови.
По потпишувањето, Илиевски изрази задоволство од новата средина и оптимизам за настапите во дресот на Приштина.
„Многу сум среќен што дојдов во клуб како Приштина. Се работи за тим со традиција и високи цели, и горд сум што ќе бидам дел од тоа. Ќе дадам сè од себе на секој натпревар за да ја оправдам довербата“, изјави македонскиот фудбалер.
Фото: FC Prishtina
Учество во игри на среќа е дозволено за лица со 18+ години. Играј одговорно!