Челните луѓе на Челзи сериозно ја разгледуваат идејата да ја назначат легендара Френк Лампард за нов технички директор на клубот, на местото на Мајкл Еменело, кој вчера беше отпуштен.
Еменело започна да работи на „Стенфорд Бриџ“ во 2007 година, а во 2011 година беше назначен за технички директор. Наводно поради расправија со тренерот Антонио Конте вчера му беше врачен отказ.
Англиските медиуми тврдат дека фаворит за испразнетото место е легендара на Челзи, Френк Лампард, кој ја заврши кариерата во февруари оваа година.
Лампард кариерата ја започна во Вест Хем, но најголемите успеси ги постигна на „Стенфорд Бриџ“. Тој дресот на Челзи го носеше 13 години и три пати ја освои Премиер лигата, еднаш Лигата на шампиони и уште многу други трофеи.
За „сините“ одигра вкупно 648 натпревари на кои постигна 211 гола.
Учество во игри на среќа е дозволено за лица со 18+ години. Играј одговорно!