Атлетико продолжува со трансферите, клубот го претстави шпанскиот репрезентативец

Атлетико Мадрид го објави новото засилување, откако потврдија за трансферот на Алекс Баена.

Крилотo пристигнува со трансфер вреден 45+5 милиони евра, а договорот со неговиот нов клуб е до летото на 2030 година.

Баена е младинец на Виљареал, каде за првата екипа на клубот има одиграно 148 натпревари со 26 голови и 40 асистенции, освојувајќи ја Лига Европа пред четири години. Исто така, ја мина сезоната 2021/22 на заем во Жирона.

23-годишниот играч е и репрезентативец на Шпанија, и беше дел од тимот што го освои Евро 2024. Досега има 10 настапи со 2 погодока за националниот тим на својата земја, и минатото лето освои златен медал на Олимписките игри во Париз со репрезентацијата до 23 години.

Привлекувањето на напаѓачот е третото засилување за Атлетико во последните денови по враќањето на средниот играч Џони Кардосо од Бетис и левиот бек Матео Руджери од Аталанта.