Флик му порача да бара нов клуб, па се шокираше кога му рекоа што се случува во тренинг центарот

Барселона минатата сезона освои дури три трофеи и единственото место каде каталонскиот клуб не успеа да дојде до самиот крај беше Лигата на шампионите.

Флик успеа да го препороди тимот на Барселона и да направи одлична работа, но јасно е дека во новата сезона пред него ќе биде уште поголем предизвик, а тоа е да продолжи со одличните резултати.

Јасно е дека Флик ќе добие неколку засилувања ова лето, а исто така германскиот стручњак веќе одлучи кои играчи повеќе нема да му бидат потребни затоа што им на крајот на мај и официјално им соопшти дека можат да бараат нов клуб.

На листата на „отпишаните“ се најде и данскиот репрезентативец Андреа Кристенсен кој скоро целата мината сезона ја пропушти поради повреда и не успеа да се покаже во најдобро светло, а тоа го искористија останатите дефанзивци.

Флик смета дека има премногу стопери во тимот и дека еден од нив може да си оди, па изборот падна токму на Кристенсен.

Сепак, Данецот не сака така лесно да се откаже и верува дека за него има место во тимот на Барселона, па е подготвен да направи сè за да се докаже на Флик за време на подготовките за новата сезона.

Шпанските медиуми пишуваат дека Кристенсен дури го скратил летниот одмор и порано од планираното се вратил во Барселона и се појавил во тренинг центарот што ги изненади тренерскиот персонал на каталонскиот клуб.