Анте Будимир кој има 33 години сподели фотографија на која се гледа лаптоп, куп хартија и калкулатор. Хрватскиот напаѓач на Осасуна се подготвува за испити на Економскиот факултет во Загреб, кој наскоро би можел да го заврши.
Во исто време, мнозинството од познатите фудбалери се на одмор по долгата сезона, некои учествуваат на Светското клупско првенство во Соединетите Американски Држави, а дел веќе започнаа со подготовки за новата сезона.
Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Сезоната 2024/2025 на Будимир беше една од неговите најуспешни и успеа да постигне 24 гола во 48 натпревари за Осасуна, од кои 21 во Ла Лига. Со тоа се позиционираше како трет најдобар стрелец во шпанското првенство, зад Килијан Мбапе (31) и Роберт Левандовски (24).
Неговиот договор важи до летото 2027 година, а ова лето се зборуваше за можен трансфер во Реал Мадрид. Тоа би било најголемото достигнување во кариерата хрватскиот голгетер, меѓутоа трансферот можеби нема да се случи, затоа што Реал наводно решил да му даде доверба на својот играч Гонзало Гарсија за резервна позиција на нападот.
Учество во игри на среќа е дозволено за лица со 18+ години. Играј одговорно!