Од Милан испратиле нова понуда за играчот од средината на терен на Бриж Ардон Јашари, кој беше избран за најдобар играч во белгиското првенство за минатата сезона, соопштуваат Џанлука Ди Марцио и “Газета дело спорт”.
Како што е познато, првите две понуди на “росонерите” за 22-годишниот полуиграч беа неуспешни, при што втората во износ од 27 милиони евра плус бонуси беше одбиена од Бриж. Според Ди Марцио, најновата понуда е за сигурна сума од 30 милиони евра, а според “Газета” кон неа повторно се додадени бонуси.
До кога ќе дишеме отровен воздух!? | Уште еден поткаст
Од весникот, сепак, уточнуваат дека поставената цена од белгискиот клуб изнесува 35+3 милиони евра. Од друга страна, швајцарскиот репрезентативец веќе се договорил со Милан за неговите лични услови и инсистира пред сегашниот негов клуб да се реализира овој трансфер.
Минатата сезона Јашари одигра вкупно 52 натпревари за Бриж, на кои постигна 4 гола и 6 асистенции, освојувајќи ја Купот на Белгија.
Учество во игри на среќа е дозволено за лица со 18+ години. Играј одговорно!