Раководството на Арсенал започна преговори со Валенсија за централниот дефанзивец Кристијан Московера.
„Топчиите“ планираа да земат нов играч на оваа позиција, прво беа поврзувани со Дин Хаусен и Марк Геј. Првиот меѓутоа премина во Реал Мадрид, а вториот сè повеќе се поврзува со Ливерпул.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Според „Ди Атлетик“ сегашната цел за таа позиција е 20-годишниот Московера кој има договор со „лилјаците“ уште само една сезона. Микел Артета го гледа како идеална замена за Вилијам Салиба или Габриел Магалаеш, во случаите кога некој од двајцата стартери на „топчиите“ не е достапен.
Московера, кој е младински репрезентативец на Шпанија, веќе има 90 натпревари за Валенсија, вклучително 41 натпревар во сите турнири минатата сезона. РБ Лајпциг и Реал Мадрид исто така имаат интерес за дефанзивецот.
Учество во игри на среќа е дозволено за лица со 18+ години. Играј одговорно!