Ливерпул се пофали и со Милош Керкез

Ливерпул го заврши трансферот и на Милош Керкез. Унгарскиот лев бек е официјално објавен како играч на англискиот шампион со договор, чија должина не беше откриена, но според медиумите е до 2030 година. За него, клубот од Мерзисад ќе плати 40 милиони фунти на Борнмут.

Керкез стана третиот Унгарец во Ливерпул по Доминик Собослај и 20-годишниот голман Армин Печи, кој исто така дојде ова лето – за симболична сума од Академија Пушкаш.

Левиот бек е на 21 година и е роден во Србија, додека татко му е Србин. Керкез игра за националниот тим на Унгарија. Во Борнмут тој помина две сезони, а пред тоа беше дел од АЗ Алкмар, Милан (без натпревари за првиот состав) и Ѓори ЕТО.

Претходно на “Енфилд” се засилија уште со Џереми Фримпонг и Флориан Виртц. Голманот Гиорги Мамардашвили исто така ќе се приклучи на тимот ова лето, откако беше купен од Валенсија пред една година.