Удар за Реал: Белингам ќе отсуствува неколку месеци

Џуд Белингам ќе го пропушти почетокот на следната сезона. Играчот од средниот ред на Реал Мадрид ќе се подложи на операција на рамото по завршувањето на Светското клупско првенство.

Ова го откри самиот тој по натпреварот на “белите” против Пачука. Англискиот репрезентативец има проблем со рамото над една година и игра со специјална преврска.

“Сега е подобро, но ми е доста од играње со преврска. Изгубив многу килограми, бидејќи се потам толку многу за време на натпреварите. Ќе направам операција по турнирот. Медицинскиот тим е неверојатен, но едноставно сакам повторно да играм без болка”, изјави Белингам.

Според “Атлетик”, Џуд ќе се рехабилитира најмалку три месеци и ќе остане надвор од терените барем до октомври, ако ја направи операцијата во јули. Тоа значи дека ќе биде надвор од игра барем до октомври.