Фати заминува од Барселона и ќе игра заедно со Погба?

Ансу Фати, некогаш големиот “вундеркинд” на Барселона, овој летен период би можел да се пресели во Монако.

Играчот кој важеше за најголем талент на Барса пред појавата на Ламин Јамал, треба во текот на неделата да ги помине медицинските прегледи и да потпише за клубот од Кнежевството.

Станува збор за позајмица, но Монако ќе има опција потоа да го купи договорот на Фати од каталонскиот клуб.

🚨🇲🇨 Understand AS Monaco are planning for Ansu Fati’s medical this week.

Monaco and Barcelona are completing all details of the agreement on loan with buy option clause.

Here we go, still expected soon. ✅ pic.twitter.com/qx5XTthT3C

— Fabrizio Romano (@FabrizioRomano) June 23, 2025

На 16 години и 304 дена, Фати стана најмладиот стрелец во историјата на Барселона и беше гледан како наследник на Меси, но по неколку ветувачки сезони, падна во сенка на Камп Ноу.

Минатата сезона настапи само на шест натпревари, што јасно покажува дека не е во плановите на тренерот Флик.

Затоа, преминот во Монако би можел да биде шанса за 23-годишниот напаѓач да ја обнови својата кариера Интересно е што тука веројатно ќе игра заедно со Пол Погба кој по суспензијата поради допинг скандалот е пред потпис со овој клуб..