Првата сезона на Бојан Миовски во дресот на шпанска Жирона не донесе резултати според очекувањата, ниту на клубот, ниту на самиот играч. Македонскиот напаѓач пристигна минатото лето како потенцијален наследник на Артем Довбик, но засега не успеа да ја исполни таа улога.
Миовски настапи на вкупно 22 натпревари, од кои 16 ги започна од првата минута, при што постигна четири гола – два против Естремадура и два против Еспањол – како и една асистенција.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Според информациите на шпанскиот весник „АС“, ниту клубот, ниту Миовски не се задоволни од досегашната соработка. Жирона е отворена за понуди и размислува за негова продажба во летниот преоден рок.
Каталонскиот клуб инвестираше околу осум милиони евра за неговиот трансфер, вклучително и бонуси, но сега останува да се види дали ќе добие нова шанса да се докаже или пак ќе ја побара среќата во нова средина.
Фото: Girona/X
Учество во игри на среќа е дозволено за лица со 18+ години. Играј одговорно!