Леверкузен и Ливерпул преговараат за трет трансфер

Баер Леверкузен преговара со Ливерпул за евентуален трансфер на централниот дефанзивец Џарел Куанса.

Според „Скај спортс“, разговорите се сосема независни од рекордниот договор за доведување на Флориан Виртц, кој за неколку часа треба да стане играч на тимот од Мерсисајд.

Куанса потпиша нов петгодишен договор со Ливерпул во октомври. Според медиумите на островот, тимот од Мерсисајд бара околу 40 милиони фунти за 22-годишниот Англичанец, кој минатата сезона одигра вкупно 25 натпревари за „црвените“ во сите турнири.

Ова може да биде третиот трансфер меѓу двата клуба само ова лето, откако Ливерпул веќе го привлече Џереми Фримпонг од „аспирините“, а како што беше споменато, до крајот на неделата ќе биде финализиран и трансферот на Виртц.