Вејн Руни: Подобар сум од Суарез, Кејн, Дел Пјеро, Ибрахимовиќ, Халанд, Левандовски…

Вejn Руни го прашаа дали се чувствува подобар од многу познати фудбалски игралци, а одговорот на Англичанецот го истакна неговото високо ценето мислење за својата кариера.

Најголемиот стрелец во историјата на Манчестер Јунајтед и англиската селекција, Вejн Руни, самоуверено се изјасни дека е подобар од секој со кого е спореден.

Ако се разгледаат неговите импресивни дострели, факт е дека има право на тоа мислење.

Најпрво откри дека се смета за подобар играч од Луис Суарез, а потоа го истото го кажа и за Хари Кејн, Алесандро Дел Пјеро, Нејмар, Серхио Агуеро, Златан Ибрахимовиќ, Роберт Левандовски и Ерлинг Халанд.

The lack of self awareness is crazy 😭pic.twitter.com/dP1dwPwghu

— fan (@NoodleHairCR7) June 13, 2025

Вejн Руни: 366 голови и 187 асистенции на 884 натпревари

Луис Суарез: 573 голови и 309 асистенции на 969 натпревари

Хари Кејн: 462 голови и 123 асистенции на 712 натпревари

Алесандро Дел Пјеро: 343 голови и 194 асистенции на 868 натпревари

Нејмар: 442 голови и 286 асистенции на 731 натпревар

Серхио Агуеро: 426 голови и 132 асистенции на 786 натпревари

Златан Ибрахимовиќ: 559 голови и 228 асистенции на 949 натпревари

Роберт Левандовски: 695 голови и 190 асистенции на 981 натпревар

Ерлинг Халанд: 298 голови и 60 асистенции на 368 натпревари (има само 25 години)

Иако бројките не се на страна на легендарното дете на Евертон, човекот кој освоил се и има постигнато најмногу голови во историјата на еден од најголемите клубови и на една од најголемите репрезентации на сите времиња, може да си дозволи таков став.

Дали е во право или премногу субјективен – проценете сами.