Иванишевиќ за соработката со Циципас: Не сум јас Хари Потер

Горан Иванишевиќ, хрватскиот тренер и поранешен тенисер, започна соработка со Стефанос Циципас.

Иванишевиќ и Циципас се договорија за соработка пред неколку месеци, а неодамна почнаа да тренираат во Загреб.

Хрватскиот експерт, кој најмногу се прослави работeјќи со Новак Ѓоковиќ, истакна дека Гркот – некогаш трет, а сега 26. тенисер во светот – сè уште има голем потенцијал.

„Моментално не можам да кажам дека е во најдобрата физичка или тениска форма. Тој е играч кој има потенцијал да биде во Топ 5 во светот, но јас не сум Хари Потер за да мавтам со волшебната прачка и тоа да се случи прекуноќ”, рече Иванишевиќ за “ХРТ”.

Ова ќе биде второто ангажирање на Иванишевиќ по разделбата со Ѓоковиќ во март 2024 година, по неуспешно неколкумесечно ангажирање со Елена Рибакина.

Фото: Принтскрин