Флоријан Вирц (22) наскоро ќе биде официјално претставен како новиот член на Ливерпул. Според информациите на Фабрицио Романо, англискиот гигант ќе му исплати на Баер 150 милиони евра за германскиот напаѓач. Овој трансфер ќе биде трет по големина во историјата на фудбалот, веднаш по оние на Нејмар (222 милиони евра) и Килијан Мбапе (180 милиони евра), кои беа потпишани од страна на ПСЖ, и истовремено најголем договор во овој преоден рок и во историјата на Ливерпул.
Според новинарот на Скај, Флоријан Плетенберг, Вирц во Ливерпул ќе заработува 20 милиони евра годишно, плус можни бонуси. Според веб-страницата Capology, која неофицијално ги објавува платите на фудбалерите, Вирц ќе биде еден од најплатените играчи на Ливерпул заедно со Мохамед Салах (24.4 милиони евра) и Вирџил ван Дајк (21.38 милиони евра).
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Договорот ќе трае до 2030 година, а трансферот ќе биде актуелизиран следната недела, откако еден од најбараните фудбалери ќе ја помине медицинската проверка.
Учество во игри на среќа е дозволено за лица со 18+ години. Играј одговорно!