Зинчеко може да го напушти Арсенал и да се пресели во – Серија А!

Според италијанските медиуми, фудбалерот на Арсенал, Олександр Зинченко, може да биде заинтересиран за премин во Милан.

Овој трансфер би можел да се реализира доколку Милан го продаде Тео Ернандес. Меѓутоа, клубот ја одби понудата од Атлетико Мадрид која изнесуваше 18 милиони евра плус дополнителни бонуси од два до три милиони евра.

Договорот на францускиот фудбалер со Милан завршува на крајот од следната сезона, и тој сè уште нема постигнато договор со управата за продолжување на соработката.

Ернандес неодамна ја одби понудата од Ал Хилал и моментално преговара со Атлетико. Во јануари, тој исто така ја одби можноста да се приклучи на Комо.

Милан како замена за Ернандес сака да го донесе Зинченко, кој размислува да го напушти Арсенал ова лето, пренесуваат италијанските медиуми.