Обложувалниците ги објавија коефициентите: Ова се фаворитите за шампион на Вимблдон!

Зад нас е едно од најдраматичните финалиња на Грен слем турнир, каде Карлос Алкарас на неверојатен начин го сврти мечот кој веќе изгледаше загубен. Јаник Синер водеше со 0:2, имаше предност во брејкот и три врзани меч топки во третиот сет, но по епска борба во одлучувачкиот супер-тајбрејк, Шпанецот сепак стигна до победата и својата петта Грен слем титула во кариерата.

Веднаш по ова спектакуларно финале на Ролан Гарос, каде Карлос Алкараз и Јаник Синер потврдија дека се моментално најдобри играчи на планетата, обложувалниците ги објавија коефициентите за Вимблдон.

Познатиот Грен слем турнир во Лондон започнува за помалку од еден месец – на 30 јуни. Обложувалниците се уверени дека главните фаворити повторно се Јаник Синер и Карлос Алкараз и предвидуваат повторно нивно финале.

Синер моментално го држи првото место, Алкарас второто, а во согласност со тоа и коефициентите се поставени.

Коефициентот да Синер освои својот прв пехар на Вимблдон изнесува 2,63. Веднаш зад него, со нешто помал коефициент, е бранителот на титулата и двоен последователен шампион – Карлос Алкарас, за кого коефициентот е 2,70.

Ова можеби не е изненадување, но дефинитивно е изненадување коефициентот за најдобриот тенисер на сите времиња и седумкратен освојувач на Вимблдон. Коефициентот дека Новак Ѓоковиќ ќе го освои својот осми пехар изнесува 8!

Многумина ќе речат дека ова е подценување за човекот кој покажа дека и на свои 38 години може да се носи со младите сили. Тоа го докажа и на Ролан Гарос, каде можеби не му е најлесно поради подлогата, која бара поголеми напори на земјани терени.

Четврти фаворит е Џек Дрејпер, Британец кој е моментално петтопласиран светски играч, кој ќе има голема поддршка од домашната публика и кој поседува игра погодна за трева. На него коефициентот е 12.

Потоа следи Александар Зверев со коефициент 15, па Тајлор Фриц со коефициент 25, околу 30 е за Лоренцо Мусети и Данил Медведев, во зависност од обложувалницата. Потоа следуваат Алекс де Минор, Јакуб Меншик, Бен Шелтон, Хуберт Хуркач, Жоао Фонсека, Матео Баретини, Томи Пол, Холгер Руне…

Вимблдон започнува на 30 јуни и ќе трае до 13 јули, кога е закажано финалето.