Teр Штеген се налутил: Подготвен е да започне „војна“ со Барселона!

Фудбалскиот клуб Барселона донесе одлука да го ангажира 24-годишниот Жоан Гарсија од Еспањол, кој ќе биде новиот главен голман на каталонскиот гигант. Ова предизвика револт кај Марк-Андре тер Стеген, долгогодишниот прв голман и актуелен капитен. Барселона повеќе не го планира во своите редови бидејќи резервата за Гарсија ќе биде Војчех Шчесни, но Тер Стеген не е подготвен лесно да ја напушти екипата.

“Тер Штеген досега не изразил јавно мислење. Изненаден е од развојот на настаните и длабоко засегнат, бидејќи ова го доживува како личен напад врз неговиот професионален интегритет. Смета дека намерно се пуштени информации од соблекувалната за да се предизвика негово протерување од клубот, директно обвинувајќи го раководството на клубот, кое, според него, му испраќа порака да замине преку заден излез,” пишува каталонскиот весник Спорт, алудирајќи на гласините дека Тер Штеген бил извор на лошата атмосфера во тимот на крајот на сезоната.

“Германскиот голман е подготвен на конфронтација. Чувствува дека е физички подготвен и уверува дека може да се бори за своето место на голот доколку му се даде шанса Ханси Флик. Најважно од сѐ – има договор до 2028 година, договорена наставка со моменталното раководство, и не планира од тоа да отстапи. Оценува дека замена би имала смисла во 2026 по Светското првенство, но не сега – и особено не на начинот на кој се одвиваат работите,” дополнува Спорт.

Тер Штеген нема намера да попушти, а клубот тешко дека лесно ќе го ослободи поради споменатиот договор. Германецот е и меѓу најплатените играчи, па за Барселона не е поволно да го држи на платниот список без да брани на терен.

“Барселона е подготвена да му понуди слободни документи и да му исплати една година договор како компензација ако се откаже од останатите две. Во клубот веруваат дека може да се постигне договор ако се смири ситуацијата, иако Тер Штеген засега одбива било какви разговори. Ако сакаат да го отстранат, тој бара да му се исплати целиот договор – како што беше случај со кошаркарот Никола Миротиќ,” објавува Спорт.