Потврдено: Шчесни останува во Барса

Војчех Шчесни и Барселона постигнаа договор за условите на новиот договор на голманот. Каталонскиот клуб и 35-годишниот полски голман се согласија за нов договор до летото 2027 година, и остануваат само формалности, објави Фабрицио Романо.

Од Барселона потврдија на Шчесни дека ќе се потпираат на него, и покрај идното доаѓање на Жоан Гарсија од Еспањол.

Шчесни ја обнови својата кариера и потпиша со Барселона по тешката повреда на Марк-Андре тер Штеген на почетокот од минатата сезона.

Полјакот одигра 15 натпревари во Ла Лига со 8 натпревари без примен гол. Тој прими просечно по 0,8 гола по натпревар.