Лука Модриќ синоќа се прости од Реал Мадрид во победата над Сосиедад со 2:0 во последното, 38. коло на Ла лига.
„Дојде моментот кој никогаш не го посакував, но тоа беше долго, преубаво патување. Прво, сакам да му се заблагодарам на клубот, на претседателот Флорентино Перез. Благодарен сум на сите тренери со кои работев низ годините, соиграчите и сите луѓе кои ми помагаа. Ви благодарам од срце. Секако, и на моето семејство“, изјави Модриќ.
Вардар сигурен, Шкендија има шанси, Силекс и Работнички тешко! ↓↓↓
Хрватскиот фудбалер освои шест титули во Лигата на шампионите, пет пати стана светски клубски првак, а го освои и УЕФА Суперкупот, Суперкупот на Шпанија, четири пати Ла Лига и двапати Купот на кралот.
„Освоивме многу нешта, доживеавме неверојатни моменти. Ми ја дававте вашата љубов сите овие години. Нема зборови со кои можам да ја изразам мојата благодарност за сè што ми дадовте“..
На крајот, кажа реченица која му се допаѓа.
„Не тагувај што заврши, радувај се што траеше. Да живее мадридското семејство, и ништо повеќе“.
Фото: Принтскрин
Учество во игри на среќа е дозволено за лица со 18+ години. Играј одговорно!