„Луда“ сцена во Бразил: Кутињо даваше интервју додека се слушаа пуктоници! (Видео)

За време на интервјуто кое Филип Кутињо го даде за новинарите на телевизијата „Глобо“, во позадина јасно се слушаа пукотници од огнено оружје. Ова не го потресе, и со насмевка продолжи со разговорот.

Фудбалерите на Васко да Гама ги доведуваат подготовките до крај за големото градско дерби против Флуминенсе, кое ќе се игра во рамките на 10. коло од бразилската Серија А, на легендарниот стадион Маракана.

Пред средбата, клубот од Рио де Жанеиро организираше т.н. „медија ден“, каде новинарите имаа можност да разговараат со неколку клучни играчи. Меѓу нив беше и Филип Кутињо, поранешниот бразилски репрезентативец кој стана славен во дресот на Ливерпул, а настапуваше и за Интер, Барселона, Баерн Минхен и Астон Вила, од каде што моментално е на позајмица во Васко.

Gun shots during Coutinho’s interview 😭

pic.twitter.com/Oh21M1enmR

— Brasil Football 🇧🇷 (@BrasilEdition) May 22, 2025