Линекер си заминува од „Би-Би-Си“ по обвинувања за антисемитизам

По 26 години поминати како едно од најпрепознатливите лица на „Би-Би-Си“, Гери Линекер најави дека ќе го напушти овој медиумски гигант.

Оваа одлука следува откако на друштвените мрежи објави видео во кое се критикува ционизмот и содржи илустрација на стаорец, што многумина го оценија како антисемитски материјал.

Иако Линекер брзо ја отстрани објавата и се извини, истакнувајќи дека не сакал да поттикне омраза, реакциите од јавноста и од вработените во телевизијата беа остри.

Од британскиот јавен сервис потврдија дека последната епизода на Линекеровата емисија „Match of the Day“ ќе биде прикажана наредната недела, и дека тој нема да биде дел од преносот на Светското првенство во 2026 година.

Фотографија: Принтскрин