Перез веќе подготвува големото враќање на Анчелоти во Реал Мадрид!?

Тоа што се шпекулираше со месеци неодамна стана и официјално, Реал Мадрид по сезоната без трофеи ќе остане без тренерот Карло Анчелоти.

Италијанскиот експерт реши да го напушти Мадрид и да започне нова авантура на клупата на репрезентацијата на Бразил каде го очекуваат многу предизвици со фокус на Светското првенство 2026 година.

Сепак, првиот човек на Реал, Флорентино Перез, има идеја да го врати Анчелоти во Мадрид веднаш по споменатото Светско првенство, пренесува Марка.

Истата извор наведува дека Перез и Анчелоти разговарале за можноста Италијанот овој пат да преземе некоја од функциите во клубот и дека постои голема шанса тоа да се случи.

Тие двајцата останаа во одлични односи, Анчелоти сам истакна дека на „кралскиот клуб“ му е потребна нова енергија бидејќи не беше во состојба да ја преокрене сезоната во клучните моменти.

Не е тајна дека Перез многу ги почитува тренерските, но и човечките квалитети на искусниот италијански стратег, па не би било изненадување ако Карлето наскоро повторно го видиме во Мадрид, овој пат во поинаква улога.

Фото: Принтскрин