Алонсо му постави услов на Модриќ ако сака да остане во Реал Мадрид

Лука Модриќ ги одигра сите 90 минути за Реал Мадрид против Мајорка, а пред тој натпревар стигна веста за условот кој го постави Џаби Алонсо за Хрватот да биде дел од Кралевите и следната сезона.

Реал Мадрид после пресврт ја победи Маљорка со 2:1, а Модриќ одигра сосема коректен меч со запишана асистенција на Килијан Мбапе за израмнување.

Хрватскиот играч од средниот ред го одигра целиот натпревар на завидно ниво, што е импресивен податок за еден 39-годишник, особено затоа што сезоната е веќе во завршна фаза.

Во новата сезона Кралевите ќе ги предводи Ксаби Алонсо, а пред натпреварот против Мајорка, „Defensa Central“ ја објави веста за условот којшто шпанскиот тренер го постави за Модриќ да остане.

Алонсо го познава подобро од повеќето бидејќи со него ја делеше соблекувалната и Модриќ е свесен дека настапите на Светското клупско првенство одлучуваат за неговата судбина.

Дека зависи само од Модриќ, тој сигурно би продолжил да го носи дресот на Реал сè до Светското првенство во 2026 година, кога планира да му каже збогум на фудбалот, но ќе треба да го убеди Алонсо дека тоа и го заслужува.

Фото: Grok AI