Хет-трик на Мбапе во „Ел Класико“, но Барселона ги освои бодовите (Видео)

Шпанското дерби „Ел Класико“ понуди одличен фудбал и дури седум голови, при што Барселона славеше со 4-3 против Реал Мадрид.

„Кралевите“ започнаа моќно и со борбен елан – Килијан Мбапе двапати ја затресе мрежата на Барселона, прво во 5. минута, а потоа и во 14. минута, со што Реал Мадрид поведе со 0-2 и навести убедлива предност.

Сепак, каталонскиот гигант не се предаде. Барселона одговори енергично – Ерик Гарсија го намали резултатот, а младиот Ламин Јамал израмни на 2-2 до 32. минута, враќајќи ја неизвесноста во натпреварот.

Нивниот пресврт не застана тука – само две минути подоцна, Рафиња го совлада Тибо Куртоа и ги донесе „блауграна“ во водство од 3-2. До крајот на полувремето, Бразилецот погоди и по вторпат, за високи 4-2 по првите 45 минути во спектакуларниот Класико дуел.

Мбапе постигна и трет гол на мечот во 70. минута, по што „кралевите“ имаа уште неколку шанси, но не ги искористија.

Фото: Принтскрин