На „Меаца“ се слушаше балкански хит – Чалханоглу го носеше звучникот (Видео)

Синоќа мечот од Лигата на шампионите го одбележа сцена во која можевме да видиме како две ѕвезди на Интер си заминуваат од Сан Сиро, додека во позадина се слуша хитот на познатата балканска музичка ѕвезда, Сенида.

По 3:3 во првиот натпревар, Интер синоќа по продолженијата на домашен терен победи против Барселона со 4:3 и со вкупно 7:6 се пласира во финалето на Лигата на шампионите.

Ова ќе биде втора шанса за Интер да го освои ова натпреварување во последните три сезони, имајќи предвид дека миланскиот тим во 2023 година во Истанбул беше поразен во финалето од Манчестер Сити со 1:0.

По натпреварот против Барселона, кој беше емотивен ролеркостер и за неутралните набљудувачи, а камо ли за навивачите и играчите на двата тима, следеше големо славење на домаќините.

Две ѕвезди на Интер беа снимени како го напуштаат стадионот, а сето тоа беше проследено со познат балкански музички хит.

Хакан Чалханоглу носеше звучник од кој се слушаше песната која пред осум месеци ја издаде Сенида.

@sunsport Следна станица: Минхен! 🔴🇩🇪 #ucl #interbarca #barcelona #intermilan #inter ♬ original sound – Sun Sport

Фото: Принтскрин