Тренерот на фудбалскиот клуб Јувентус, Игор Тудор, изјави дека репрезентативецот на Србија, Душан Влаховиќ нема да игра на натпреварот против Болоња во 35. коло на Серија А.
“Влаховиќ нема да биде ниту на клупата, иако вчера тренираше со екипата. Денес се обиде, но сè уште не е подготвен 100 проценти. Се надевам дека ќе можам да го сметам на него во наредните натпревари”, изјави Тудор на прес-конференција, пренесува Газета дело Спорт.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Српскиот фудбалер оваа сезона е најдобар стрелец на Јувентус во Серија А со девет постигнати голови, а има и четири асистенции.
Фудбалерите на Јувентус утре ќе гостуваат кај Болоња во 20:45 часот, а овој натпревар е важен за двете екипи во борбата за Лигата на шампионите.
Јувентус е на четвртата позиција на табелата во Серија А со 62 поени, додека Болоња е на петтото место со 61.
Фото: Juventus FC/FB
Учество во игри на среќа е дозволено за лица со 18+ години. Играј одговорно!