Барселона го победи Реал Мадрид со 3:2 на финалето за Купот на Шпанија по драматичен натпревар, решен во 116-тата минута. Ова е вториот трофеј за каталонскиот клуб оваа сезона под водство на Ханзи Флик.
Дојден летово по заминувањето на Чави, германецот може да освои четири трофеи со Барселона уште во првата своја сезона. Тој веќе има два – Суперкупот и Купот на Шпанија, и се бори за титулата (Барселона е лидер во Ла Лига) и Лигата на шампионите (Барселона е на полуфинале). 60-годишниот тренер ја продолжува својата серија без пораз.
Street Workout Macedonia – Движење што гради сила, карактер и издржливост | Уште еден поткаст
Натпреварот во сабота вечер беше седми финал во кариерата на Флик. Германецот има совршен процент – ги освоил сите. Досега, Флик има освоено пет финалиња со Баерн (Минхен): Лига на шампиони, Суперкупот на Европа, Купот на Германија, Суперкупот на Германија и Светското клупско првенство. Со Барселона има две освоени финалиња, и двата против Реал Мадрид: 5:2 за Суперкупот и 3:2 за Купот на Шпанија.
Ако го елиминира Интер, Флик ќе игра трето финале со каталонците – против ПСЖ или Арсенал.
Неговиот договор со Барса е до летото 2026 година, но веќе се појавија информации за постигнато договор за негово продолжување за 12 месеци.
Учество во игри на среќа е дозволено за лица со 18+ години. Играј одговорно!