Кенијката Агнес Нгетич стана првата атлетичарка во историјата која истрча трка на 10 км под 30 минути. Нгетич до историскиот резултат стигна во германскиот Херцогенаурах, каде што ја заврши трката во време од 29:27 минути. Така го подобри претходниот светски рекорд од 30:01, кој го држеше нејзината сонародничка Агнес Тироп, трагично почината пред четири години.
Зошто проблемот со улични кучиња СÈ УШТЕ постои? | Уште еден поткаст
“Толку сум возбудена, не го очекував ова. Лани рекордот ми избега за две секунди, па сакав денес да дојдам овде и да се обидам повторно. Толку сум горда на себе. Откако лани ги пропуштив Олимписките игри, сакам оваа година да го надоместам тоа на Светското првенство”, рече 24-годишната Нгетич.
До победата Нгетич стигна со предност поголема од една минута пред второпласираната Етиопјанка Фентаје Белајнех (30:30). Трета беше уште една Етиопјанка Сенает Гетачев (30:31).
Да потсетиме, Тироп беше најдена мртва во својот дом во октомври 2021 година. Олимписката тркачка и двојна освојувачка на бронзен медал на 10 км на светските првенства (2017, 2019) и четврта на ОИ во Токио, беше избодена до смрт. За нејзиното убиство беше обвинет сопругот Ибрахим Ротич.
Учество во игри на среќа е дозволено за лица со 18+ години. Играј одговорно!