Тебас го нападна Перез: Тој се заканува, казнува, сака да го поседува фудбалот

Ако мислевме дека ситуацијата пред финалето на Купот на кралот меѓу Реал и Барселона во сабота се загреа со конференцијата за медиуми на судиите кои Реал ги таргетираше на својата телевизија и што објави соопштение и ги откажа сите обврски што мора да ги исполни како финалист на Купот – се излажавме.

Тогаш се вклучи и Хавиер Тебас, првиот човек на Ла лига кој во долг твит сериозно го нападна Флорентино Перез.

Реал прво во четвртокот го продолжи својот конфликт против судиите на својата телевизија на која емитуваше видео во кое практично ги таргетираше судиите кои се делегирани да судат во финалето – Рикардо де Бургос Бенгочеа (главен) и Пабло Гонзалес Фуертас (VAR).

Потоа судиите се огласија на конференција за медиуми. Де Бургос Бенгочеа дури и се расплака прераскажувајќи што неговиот син доживува на училиште, додека Гонзалес Фуертас најави заедничка реакција на судиите, дури и се закани со можба за тужба.

Потоа Реал во манирот што го негува цела сезона, од почеток на пренесување на Златната топка затоа што не беше доделена на нивниот играч, ги откажа тренингот, конференцијата за медиуми, фотографирањето и церемонијалната вечера. И издаде соопштение кое е вид на притисок да се заменат судиите. Некои медиуми, наклонети кон Реал, пишуваат дека дури се размислува и можноста Реал да не игра на натпреварот.

И конечно, се вклучи и Хавиер Тебас кој го обвини, не првпат и не конкретно со името, првиот човек на Реал Флорентино Перез.

Еве што напиша Тебас на својот профил на мрежата X.

„Ова не е фудбал, ова е желба за контрола.

Тој не го сака Тебас бидејќи Тебас не го прави она што тој го сака.

Тој не го сака Чеферин бидејќи Чеферин не го прави она што тој го сака.

Тој не го сака Лужан бидејќи Лужан не го прави она што тој го сака.

Тој не ги сака ТВ коментаторите бидејќи ТВ коментаторите не кажуваат тоа што тој го сака.

Тие не ги поддржуваат реформите во судството бидејќи тоа не е тоа што тој го сака.

А сега по изјавите на судиите кои се испровоцирани од постојаните напади на телевизијата на Реал, тој одговара на единствениот начин што го знае:

Го откажува конференцијата за медиуми.
Го откажува тренингот.

Ги откажува официјалните настани на Куп финалето.
Им известува на своите медиуми дека нема да игра во финалето.

Човек со тенка кожа.

Тој не протестира, тој врши притисок.

Тој не се жали, тој се заканува.
Тој не изразува несогласување, тој казнува.
Тој не сака да го унапреди фудбалот, тој сака да го поседува фудбалот.

А не е најстрашното што тој сето тоа го обидува.

Најстрашното е што многумина му го дозволуваат, го поддржуваат и му помагаат“.