Партизан во „трка со времето“: Има рок од 48 часа да добие лиценца за Европа!

За сега Партизан нема лиценца за учество во УЕФА натпреварувањата следната сезона, и добија рок од околу 48 часа да го исполнат спорниот услов.

ФК Партизан не доби лиценца од УЕФА, пренесува “Спорт Клуб”. Од есенва, Партизан е во трка за исполнување на многубројни барања кои УЕФА ги постави пред нив. До сега успеа да ги реши сите задачи, меѓутоа останаа уште некои „ситници“ за да помине на крајот и финалниот мониторинг и да го исполни условот да се натпреварува следната сезона во нејзините натпреварувања.

Добиле нов рок, околу 48 часа, во кој Партизан ќе мора да ги реши сите прашања за документацијата и да обезбеди УЕФА лиценца, а најголемиот проблем во моментот е околу поранешниот фудбалер Никола Антиќ.

Станува збор за лев бек кој на малку непријатен начин се раздели од Партизан минатата зима, откако практично беше изопштен од тимот, а потоа потпиша договор со казахстански Ордабаси. Партизан му должи значителна сума на пари и додека тоа не се реши, црно-белите не можат да добијат лиценца за Европа.

Фото: ФК Партизан