Ваква искреност ретко се гледа: Бевме сра*е!

Вест Хем вчера ремизираше со тимот на Саутхемптон (1:1), а по натпреварот пред камерите застана Никлас Фулкруг кој беше видливо нервозен.

Вчера на стадионот во Лондон, Вест Хем го пречека последнопласираниот тим на Саутхемптон во рамките на 33. коло на англиската Премиер лига.

Земајќи предвид дека Саутхемптон веќе е и математички испаднат, се очекуваше лесна победа на Вест Хем и сигурни три бода.

Но, тоа не се случи. Вест Хем поведе со гол на Боуен по асистенција на Фулкруг, а пред крајниот свиреж на судијата – Угочукву постигна израмнувачки гол.

Немаше повеќе време за “Чекичарите” да постигнат ново водство и така натпреварот заврши со поделба на бодови и конечен резултат 1:1.

По натпреварот пред камерите застана Никлас Фулкруг, центарфор на Вест Хем и асистент за нивниот единствен гол на овој меч.

Немецот беше видливо нервозен од резултатот и целокупната игра на својата екипа и не можеше да ги сокрие емоциите.

“Проблемот е нашиот менталитет. Не сум разочаран, туку лут на тоа што го покажавме по постигнатиот гол”, започна Фулкруг.

“Извинете, бевме с*ање. Не е првпат да постигнеме гол и само да почнеме да го тупкаме топката. Не се обидуваме да играме фудбал после тоа, туку само тонеме”, додаде тој.

Чувајте го Фулкруг по секоја цена.

Тоа е страста и карактерот што се потребни во соблекувалната. Не тренирани глупости во медиумите, туку да се каже како што е и со право да се критикуваат стандардите на некои од неговите соиграчи што треба да го слушнат тоа.

pic.twitter.com/lpGAxUSLtJ

— COYIrons (@COYIronscom) April 20, 2025

Вест Хем сега се наоѓа на 16. место на табелата на англиската Премиер лига што не е баш завидна позиција со оглед каква екипа имаат.

Единствено што може да им биде утеха оваа сезона е фактот дека скоро сигурно го осигурале опстанокот во најелитниот ранг на англискиот фудбал.

Фото: Screenshot