Голем интерес околу младата ѕвезда на Реал Мадрид

Според шпанските медиуми, повеќе европски клубови сериозно се заинтересирани за играчот од Реал Мадрид, турскиот талент Арда Гулер.

Минатата сезона, како и на Европското првенство, Гулер успеа да го покаже својот потенцијал и да се истакне како еден од најперспективните млади таленти во Европа.

Сепак, поради недоволно добиени шанси во Реал, Гулер размислува за промена на средината, а интересот од европските гиганти е видлив.

„Кралевите“ не се подготвени лесно да се откажат од него, но во летниот трансфер период се очекува да пристигнат бројни понуди од клубови во Премиер лигата, Серија А и Бундеслигата.