Познат е следниот чекор во кариерата на легендарниот Кристијано Роналдо

Кристијано Роналдо е еден од најдобрите играчи во историјата на фудбалот, а сега е познат следниот чекор во неговата исклучително богата кариера.

Кристијано Роналдо ја започна својата неверојатна фудбалска кариера во родниот Португалија во тимот на Спортинг.

На само 18 години, Сер Алекс Фергусон го доведе во редовите на англискиот гигант – Манчестер Јунајтед, а сè после тоа е историја.

Тој ја „разгоре“ фудбалската сцена во Англија и по шест сезони поминати кај „Црвените ѓаволи“, премина во Реал Мадрид.

Во кралскиот клуб играше најдобар фудбал во кариерата и освои сè што можеше да се освои со Реал Мадрид.

По Реал, имаше епизоди во Јувентус и Манчестер Јунајтед, пред да премине во редовите на Ал-Наср.

Според шпанската „Марка“, Роналдо ќе потпише нов договор со Ал-Наср на две години (1+1), при што втората година од договорот ќе биде негова лична одлука.

Фото: Al Nassr/FB