Најдобрата скијачка на светот за штотуку завршената сезона, Федерика Брињоне (34), објави фотографија на ногата со последиците од стравичниот пад кој го доживеа во Вал ди Фаса.
Брињоне на почетокот на месецов претрпе повеќекратни скршеници на ногата по падот во велеслаломот на националното италијанско првенство.
Disc Golf challenge: Дали некој ќе погоди од прва!? ↓↓↓
Новата победничка на Светскиот куп во скијање на патека во Вал ди Фаса изгуби контрола на скиите и тешко падна.
Потоа со хеликоптер беше пренесена во блиската болница во Тренто каде што и беше укажана помош.
Процесот на опоравување е започнат, но последиците се застрашувачки. Се работи за двојна скршеница на левата нога, а истовремено ги повредила и предните крстоповрзни лигаменти. Извршена е итна операција во Милано.
“Сезоната 2024/2025 заврши со тресок и повеќе би преферирала шише шампањ. Веќе работам на тоа да се вратам на 100 проценти. Во секој случај, поправив рекорд по поени, но можев и без овие последни 42,” изјави низ насмевка Брињоне.
Познатата Италијанка му се заблагодари на братот Давиде Брињоне, кој секогаш ѝ бил најголема поддршка, како и на целиот тим што беше со неа, на докторите, спонзорите и пријателите.
Брињоне сега ќе биде надвор од патеките долго време, а сѐ тоа пред Олимписките игри во Милано-Кортина следната година, каде што се смета за домашен фаворит.
Учество во игри на среќа е дозволено за лица со 18+ години. Играј одговорно!