Катастрофални бројки: Статистиката на Аморим во Манчестер јунајтед е – ужасна!

Манчестер јунајтед продолжува да тоне и игра една од најлошите сезони и покрај промената на тренерот.

Рубен Аморим беше дочекан како потенцијален менаџер за цела една ера, но во првата сезона неговите резултати се под сите очекувања.

Во Премиер лигата, Јунајтед со Аморим одигра 21 натпревар и има само ШЕСТ победи, со пет нерешени резултати и дури 10 порази.

Освен тоа, Јунајтед има и негативна гол разлика во ПЛ со Аморим, 26 постигнати и дури 33 примени голови.

На сето тоа треба да се додаде дека Јунајтед е на 14-то место со 38 бодови, а Вест Хем, кој е првиот над линијата, има само три помалку – 35.

Фрапантен е и податокот дека лидерот Ливерпул и најголем ривал има 76 бодови, двојно повеќе од Јунајтед.

Аморим единствено може да се извлече во Лига Европа, иако и таму го очекува тежок предизвик, бидејќи мора да го победи Лион на “Олд Трафорд”, по 2:2 во првиот натпревар.

Португалецот е секако под огромен притисок и прашање е дали ќе може и наредната сезона да го врати Јунајтед таму каде што му припаѓа, посебно ако остане без пласман во Европа, што е повеќе од извесно…