Ред Бул разочара во Бахреин: Хорнер откри со какви проблеми се соочиле

Ред Бул имаше неочекувани потешкотии во Бахреин за време на запирањата во боксот. Кристијан Хорнер сега објасни што точно тргнало наопаку.

За време на трката, двајцата возачи на Ред Бул имаа проблеми при запирањето во боксот, што значително влијаеше на текот на нивната трка.

Иако запирањето беше извршено без грешка и без гужва во пит-лејнот, црвеното светло на семафорот не се изгасна.

По трката, Хорнер за „Мотоспорт“ и други медиуми ја објасни ситуацијата:

„Се мачевме со две работи овој викенд – со проблемите во запирањето и генералната нерамнотежа, а кога имате тоа, сè изгледа уште полошо“.

„Покрај сето тоа, имавме ужасен ден бидејќи, изгледа, имавме проблем со инсталацијата на каблите во боксот, што предизвика проблеми со семафорот“, кажа тој.

Фото: Принтскрин