Жесток удар за Модриќ – ќе остане без „десетката“, а веќе е одлучено кој ќе ја носи

Претседателот на Реал, Флорентино Перез, наводно му го понуди легендарниот број на играч кој Кралскиот клуб го следи долго време и се обидува да го купи, што би значело дека го отпишал Лука Модриќ…

Модриќ е носител на „десетката“, но се поставува прашањето дали Хрватот ќе го продолжи договорот кој истекува на лето. Иако засега не може со сигурност да се каже каква е состојбата по тоа прашање, поедини медиуми во Шпанија тврдат дека неговиот број Перез решил да го даде на друг играч.

Наводно, веќе е организиран состанок во Мадрид, а Перез му порача на Зубименди дека ќе го добие бројот 10 ако дојде во Реал Мадрид.

„Кралевите“ ќе мораат финансиски да се потрудат да го потпишат, со оглед на тоа дека неговата откупна клаузула е 60 милиони евра, а Реал Сосиедад нема да ја намали таа сума ниту за цент.

Фото: Real Madrid/FB