Тренерот на фудбалерите на Арсенал, Микел Артета, изјави дека е исклучително горд на својот тим по победата во првиот натпревар од четвртфиналето на Лигата на шампионите против Реал Мадрид и додаде дека неговите играчи одиграа многу организирано на тој дуел.
„Исклучително сум горд на мојот тим. Имавме многу комплетен настап, колективно, и тоа ви е потребно во смисла на организација. Направивме што требаше за да доминираме во натпреварот и да му создадеме проблеми на Реал. Атмосферата беше еден од факторите за победата, играњето со таа енергија и посветеност со навивачите прави голема разлика”, наведе Артета на прес-конференцијата во вторникот, а пренесе Би-Би-Си.
До кога ќе дишеме отровен воздух!? | Уште еден поткаст
Арсенал на својот терен во Лондон го совлада Реал Мадрид со 3:0, во првиот натпревар од двомечот од четвртфиналето на Лигата на шампионите.
Фото: Arsenal/FB.
Учество во игри на среќа е дозволено за лица со 18+ години. Играј одговорно!