Шекил: Јокиќ против мене од 2001 година? Српско пиле за скара!

Шекил О’Нил за многумина е еден од најдоминантните центри во историјата на НБА лигата. Висок 216 см и тежок повеќе од 140 кг, беше незапирлива сила под кошевите во поголемиот дел од кариерата, од 1992 до 2011 година.

Четирипати бил првак на НБА лигата, еднаш најкорисен играч на регуларниот дел и трипати МВП на финалињата. Титули освоил како играч на Лејкерс и Мајами. Кариерата ја заврши со просек од 23,7 поени, 10,9 скокови и 2,3 блокади во повеќе од 1.200 натпревари.

Денес, во лигата доминира Никола Јокиќ. Српскиот центар на Денвер Нагетс е пред четвртата МВП титула, бидејќи оваа сезона бележи во просек 29,7 поени, 12,8 скокови и 10,2 асистенции по натпревар.

За време на емисијата во која гостуваше, Шек одговори на прашањето кој би победил во дуел меѓу него од 2001 година и Јокиќ од оваа сезона.

О’Нил тогаш имал просек од 28,7 поени, 12,7 скокови и 2,8 блокади по натпревар. Статистички, тоа не му беше најдобрата сезона, но во неа го одбранил прстенот освоен со Лејкерс претходната година.

„Ќе постигнев 40 поени и ќе ме чуваа двајца. Тој би играл пик-енд-поп и би шутирал тројки, но ве уверувам дека би погодувал многу повеќе шутеви за два поена, отколку тој за три. И ќе ги натерав неговите браќа на тепачка со мене. Во првиот напад на натпреварот ќе го удрев со лакт во заби“, рече Шек, завршувајќи го со тоа што Јокиќ би му бил „српско пиле за скара“.