Лудница на стартот, а потоа рутинска победа на Маркез во спринт трката

Марк Маркез продолжува да доминира во Мото ГП класата, и по спринтот на патеката во Остин има максимален учинок во новата сезона – 5 од 5!

Маркез по трет пат по ред славеше на спринтот, така што има победи на сите пет трки од стартот.

Спринт трката во САД имаше бурен старт, Бањаја успеа експресно да се пробие до лидерската позиција… Но Италијанецот не издржа долго во борбата со браќата Маркез.

Сè брзо беше решено, борбата на двата Дукати траеше кратко, Марк го презеде првото место, веднаш зад него се најде Алекс, така што Бањаја мораше да се задоволи со третата позиција.