Ѓоковиќ обезбеди финале во Мајами

Новак Ѓоковиќ изведе уште еден извонреден натпревар, совладувајќи го Бугаринот Григор Димитров со сетови 2-0, со што се пласира во финалето на тенискиот турнир во Мајами.

Мечот траеше малку повеќе од еден час. Во почетокот, Григор имаше одличен старт и направи брејк, но Новак брзо возврати и потоа целосно владееше со играта и резултатот.

Фудбалската легенда Лионел Меси го следеше денешниот натпревар на Ѓоковиќ од трибините во Мајами. Новак во финалето има можност да ја освои својата 100-та АТП титула во кариерата.